BUTUAN CITY – Gi-ila sa Butuan City government ang Bombo Radyo Butuan isip Radio of the Year alang ning tuiga atol sa gipahigayong Media Summit nga gipangunahan sa Public Information Division ilawom sa pagdumala ni City Information Chief Michiko de Jesus.
Mismong si Butuan City Mayor Ronnie Vicente Lagnada ang mipirma sa certificate of commendation nga gihatag sa mga representante ning sibyahan pagpanguna ni acting Assistant Station Manager Rey Brangan kinsa mao usa’y napiling best radio commentator ug best news anchor.
Gawas niini, gihatagan usab ang sibyahan og plaque of appreciation sa ilang malipayong pag-ila sa wala’y hunong nga suporta ug kontribusyon sa Bombo Radyo Butuan aron ipahibalo ngadto sa publiko ang mga programa ug inisyatiba sa lokal nga panggamhanan alang sa katawhang Butuanon.
