BUTUAN CITY – Magpadayon karong adlawa ang 45th Kapisanan ng mga Brodkaser ng Pilipinas kon KBP Top Level Management Conference nga gipahigayon sa usa ka hotel sa kauluhang Manilaa nga gisugdan kagahapong adlawa, Nobyembre 13 hangtud na ugma, Nobyembre 15.
Sa pakighinabi sa Bombo Radyo Butuan, gibutyag ni Nonoc Plaza, chairman sa Kapisanan ng mga Broadcaster ng Pilipinas kon KBP-Agusan Del Sur, nga gisugdan ang kalihukan pinaagi sa piniliay alang sa mga bag-ong opisyales nga magdumala sa KBP. karong tuiga kondiin subling nabutang sa puwesto ang kasamtangang mga opisyal pagpanguna ni KBP chairman Herman Basbaño gikan sa Bombo Radyo Philippines.
Kini tungod sa maayo niyang pagdumala sa maong kahugpungan uban sa iyang mga opisyales.
Karong adlawa usab himoon ang mga programa ug ang paghisgot sa mga paagi alang sa pagpalambo pa sa pagpadagan sa b roadcast industry ilabina nga dakong hagit karon ang bag-ong medium sama sa social media rason nga kinahanglang masabtan kung unsa’y mabuhat sa KBP aron magpabiling mabungahon ang pagpanibya sa radyo og telebisyon.
