BUTUAN CITY – Mi-ani og mga pagdayeg ang bombero sa Bureau of Fire Protection kon BFP-Butuan tungod sa malampusong pag-rescue kagahapon kang Anna Marie Abuzo gikan sa pinakataas nga bahin sa tulay Magsaysay aron unta mu-ambak.
Madumdumang kapin duha ka oras nga gikumbinsi ni FO1 Ralph Eupemia ug usa niya ka ka-uban, si Abuzo nga huna-hunaon ang iyang mga anak og dili lang ang iyang kaugalingon.
Aminado siyang medyo lisod ang ilang gihimo ilabina nga dangog ang truss sa tulay nga gitungtungan ni Abuzo tungod sa uwan.
Dako matud pa og tabang kanila ang pagkadungog ni Abuzo sa tingog sa iyang ka-ipong si Adam Saguid nga maoy nagpakalma niini ilabina dihang nadungog niining magbalik na sila.
Daan na matud pang misulti kaniya si Abuzo nga kung magbalik na sila sa iyang bana, andam na kining mukanaog.
Tumang kalipay ang iyang gibati dihang luwas nang nagunitan si Abuzo nga wala na niya buhii og gigakos na aron lang masiguro ang iyang kaluwasan hangtud nga malampuson niya kining napanaog.
