BUTUAN CITY – Gipagawas na sa Illinois State Police ang bodycam footage nga nagpakita sa mga police officers nga misinghag ug mipusil-patay kang black American Sonya Massey, 36-anyos human kini mitawag sa 911 aron isumbong ang gitu-uhan niyang tawo nga misulod sa iyang balay.
Natigayon ang insidente sa sayong bahin niadtong Hulyo 6, oras sa maong nasud, dihang nanawag sa Massey sa mga pulis aron adtuan siya sa iyang balay sa Springfield, kansa 200-milyas sa habagatan sa Chicago, tungod kay gitu-uhan niyang duna’y misulod sa iyang balay.
Human ang gamay nga kukabildo sa beranda, misulod ang mga pulis ug gipangayuan siya sa iyang driver’s license. Dihang mibukal na ang gi-init nga tubig ni Massey, gipapalong kini ni Sangamon County Sheriff’s Deputy Sean Grayson tungod kay wala matud pa sila nagkinahanglan og kalayo.
Dihang gikuha na ni Massey ang takuri gikan sa stove, mikatawa si Grayson rason nga nakasulti si Massey sa mga pulong nga “I rebuke you in the name of Jesus” sa makaduha ka higayon ug dinhi na siya gipusil.
Gitangtang na si Grayson gikan sa police force ug gikasuhan og murder ug official misconduct kondiin siya nag-plead not guilty.
