BUTUAN CITY – Misaka na sa upat ang kumpirmadong patay sa nahugmak nga landfill sa Brgy Binaliw, Cebu City samtang 12 ang nagpabilin pa sa ospital ug nagpadayon pa ang pagpangita sa mga missing.
Kaganina gihimo ang laing coordiantion meeting nga nakatutok sa nagpadayong landslide response, kondiin nagpabiling prayuridad ang rescue operations.
Gikumpirma usab sa mga otoridad nga duna sila’y na-detect nga senyales sa kinabuhi sa pipila ka mga lugar hinungdan nga padayon ang makuting pagkaot ug ang pag-deploy sa mas advanced nga 50-ton crane, nga duna’y police escort support.
Pabilin usab nga prayuridad ang kaluwasan sa mga responders tungod sa mga hazards sama sa dili ligpng mga tipaka kon debris ug risgo sa acetylene hinungdan sa gihimong mga adjustments ngadto sa security perimeter ug kontroladong access.
Apil sa gitutukan ang pag-engage nila sa mga pamilya pinaagi sa mga regular briefings, mga photo ug video updates, psychosocial support, ug estabilisadong Management of the Dead and Missing receiving area.
Gi-aksyunan na usab ang pagbalik sa linya sa kuryente, mga sanitation facilities, ubang mga lugar alang sa mga rescuers, internet connectivity, ug saktong housekeeping sa dapit nga nahitabuan.
Padayon usab ang pagpangandam alang sa pagdumala sa nag-ong ong nga isyu unya sa koleksyon sa mga basura, temporaryong staging arrangements, ingon man documentation alang sa death certification ug pagtugyan unya sa mga patay’ng lawas ngadto sa ilang hingtungdang pamilya.
