BUTUAN CITY – Dako ang pagpasalamat ni Nochelle Mae Murro, kanhi empleyado sa Bombo Radyo Butuan, human siya mipasar sa Licensure Examination for Professional Teachers sa iyang unang pag-take, kansa regalo matud pa kaniya karong Pasko.
Sigon ni Murro, kinsa mi-graduate sa kolehiyo niadtong 2022 sa kursong Bachelor of Arts major in Political Science, dako ang iyang kahadlok ug kakulba tungod kay dili related sa iyang kurso ang iyang gi-examan ug nagkuha lang siya og units sa kursong education.
Naningkamot matud pa siya sa pagtuon pinaagi sa online ug face-to-face review center, nga gisabayan usab sa hugot nga pag-ampo human sa taas nga panahon sa pagpahulay sukad sa iyang pag-graduate.
Sigon ni Nochelle, dako usab og tabang ang iyang kasinatian sa Bombo Radyo, ug gi-ila nga dakong inspirasyon ang Ginoo, ang iyang partner, ug ang iyang anak sa iyang nakab-ot nga kalampusan.
