-- ADVERTISEMENT --

BUTUAN CITY – Migawas karon sa imbestigasyon nga ang nag-unang opisyal nga maoy nagpaluyo sa kontrobersyal nga rock shed project sa Kennon Road sa lungsod sa Tuba, Benguet, ka-alyado sa pulitika ni Pangulong Ferdinand Marcos Jr. Base sa record sa Department of Public Works and Highways kon DPWH record, gilista sa 3K Rock Engineering si Engineer Francis Cuyop isipilang general manager.

Siya ang nag-establisar sa construction firm isip usa ka sole proprietor nga nagsugod sa ilang operasyon niadtong Enero 27, 2000.

Ang 56-anyos nga si Cuyop, midagan pagka-kongresista sa lone district sa Ifugao niadtong May 12, 2025 elections apan napildi ni Atty Solomon Chungalao.

Gika-ingong nabulsa sa maong contractor ang halos P400 million nga pundo sa kinatibuk-ang duha ka mga proyekto. Midagan siya ubos sa banner sa Partido Federal ng Pilipinas (PFP, ang partido sa pangulo.

Ang iyang certificate of nomination and acceptance , gipirmahan ni PFP president Reynaldo Tamayo Jr. Una nang misaad ang pangulo nga wala siya’y pasayluon sa mga tawong nalambigit sa mga anumalusong flood control projects, maka-alyado man niya kini sa pulitika o dili. 

-- ADVERTISEMENT --

Base sa  DPWH records, gikan niadtong tuig 2018 hangtud 2023, ang 3K Rock Engineering, nakakuha og 43 ka mga proyekto nga duna’y kinatibuk-ang pundo nga P1.55 billion kondiin 12 niini nga mga proyekto, ilang nakuha usab uban sa laing mga contractors.