BUTUAN CITY – Giplastar pa sa kadumalahan sa Butuan Medical Center kon BMC ang pagdumala sa duha ka mga Logistics Indoors Service Assistant kun LISA tele-presence robots nga gi-donar sa Macro Wiring Technologies Co. Inc. gikan sa Cavite City.
Gibutyag ni Michiko de Jesus, tigpamaba sa Butuan City government, ang LISA adunay ligid, tablet ug compartment box nga mugunit sa mga tambal, pagkaon ug resita aron ihatag sa mga pasyenteng nagpositibo sa Covid-19 sa ingon malikayan ang face-to-face contact tali sa mga pasyenteng duna’y grabeng kaso sa COVID-19 ug sa mga healthcare workers.
Makontrola kini pinaagi sa remote system nga kuptan sa usa ka indibidwal.
Dugang pa ni Michiko, limitado lang ang pag-produce sa kompanya niini nga robot nga sa pagkakaron, 20 pa lang aron idonar ngadto sa mga ospital nga nagkinahanglan niini sa tibuok nasud.
Giplastar pa ang tanan adiser kini gamiton ug ipahibalo ra nila sa publiko higayong gamiton na ang serbisyo niini ngadto sa mga COVID-19 patients.
