BUTUAN CITY – Nahalin sa kantidad nga kapin sa $1.3 milyon kon bugti sa kapin 75-milyunes pisos ang usa ka bluefin tuna nga susama kadako sa usa ka motorsiklo ug ikaduhang pinakamahal nga napalit sa tinuig nga auction nga gipahigayon sa Toyusu Fish Market sa Tokyo, Japan kondiin nakuha kini sa Aomori Region.
Sigon sa Onodera Group, ang midaog sa bidding, mitimbang ang maong isda og 276 kilos kansa maoy gamiton pagluto sa Ginza Onodera restaurants ug sa Nadaman restaurants sa kinatibuk-ang Japan.
Nasayrang sulod na sa lima ka tuig, sila na ang kanunay nga makapalit sa mahalong tuna. Tuig 1999 dihang natala ang pinakamahal nga auction sa usa ka bluefin tuna nga mitimbang og 278 kilos ug napalit ni Kiyoshi Kimura, ang gi-ilang Tuna King ug sushi restaurant owner sa Japan sa kantidad nga 333.6 milyon yen.
