BUTUAN CITY – Gidepensahan ni Butuan City Police Station 4 commander PCaptain Dennis Bon ang kawala’y pulis sa police box kagabii dihang natigayon ang pagpamusil.
Gipasabot sa opisyal nga matag-alas siete sa gabii, wala na’y pulis nga ma-assign sa maong police box tungod kay mag-roving na man ang ilang police car, libot sa mga lugar nga dugukanan sa mga tawo.
Nakabenta matud pa ang wala pa mailang responsable pagpamusil dihang nagpatubil ang ilang mobile patrol sa usa ka gasolinahan nga medyo nalangay pa tungod kay gi-rescue usab nila ang usa nila ka patrol vehicle nga nada-utan matud pa sa Brgy. Antongalon nga sakop usab sa ilang area of responsibility.
Aminado usab si Captain Bon nga nakadalikyat sa ilang police station ang biktima aron magpa-blotter apan wala nila kini unaha pagsukit-sukit tungod kay gi-una nila kini paghatud sa ospital alang sa iyang kaluwasan.
Dihang nasiguro na ang kaluwasan sa biktima, duna na sial’y nakuhang pipila ka impormasyon nga magamit sa ilang imbestigasyon nga suportahan unya sa makuha nilang CCTV footage nga maoy ila karong gitrabaho.
