BUTUAN CITY – Subling gi-awhag sa Philippine Red Cross nga kinahanglan gayud nga mudonar og dugo ang mga mahimo pang makadonar niini, tungod kay makasalbar kini og kinabuhi.
Sigon ni Pocholo Concepcion, ang Communication Department manager sa Philippine Red Cross, daghan pa ang nanginahanglan niini nga Pilipino matag-adlaw, sama na lang sa mga pasyente nga gi-operahan, ingon man kadtong nag-antos sa chronic renal disease nga nanginahanglan og dialysis, mga inahan nga nag-agi sa komplikado nga pagpanganak, mga tawo nga nakig-batok sa dengue ug leukemia, ug mga biktima sa mga aksidente ug trauma.
Dugang niini nga ang ilang National Blood Services naghatag og igo, luwas, ug dekalidad nga suplay sa dugo kansa kanunay nga ma-access ilabi na niadtung mga vulnerable.
