BUTUAN CITY – Anaa karon sa blue alert status ang Emergency Operation Center sa Office of the Civil Defense kon OCD-Caraga tungod sa bagyong Basyang hinungdan nga naka-standby na ang ilang mga personahe ang tanan nilang mga partner agencies ug response clusters sama sa Philippine National Police, Philippine Army ug Department of Public Works and Highways.
Sa eksklusibong pakighinabi sa Bombo Radyo Butuan, gipadayag ni Carlo Becera, tigpamaba sa OCD-Caraga, kanselado ang tanang biyahe sa sakyanang pandagat sa tibuok rehiyon tungod sa storm signal nga gi-isa sa weather bureau.
Sa pagkutlo niini nga balita, bugtong ang Surigao del Sur pa lang ang nagdeklara og red alert status sa ilang Provincial Disaster Risk Reduction and Management Council operation center apan kung madungan kini og duha ka lalawigan, otomatiko na usab nga ideklara sa OCD Emergency Operation Center ang red alert status.
Nagpatuman na usab og pre-emptive evacuation sa mga residenteng anaa nagpuyo sa mga landslide ug flood-prone areas aron masiguro nga dili sila mabutang sa dellikado higayong muhapak na ang bagyong Basyang.
