BUTUAN CITY – Gikumpirma ni JSSupt Ferdinand Pontillo, regional Director sa Bureau of Jail Management and Penology kon BJMP-Caraga nga miabot sa 727 ang aplikante karun sa pagka-Jail Officer 1 kon JO1 dinhe sa rehiyon sa Caraga.
Sigon sa opisyal nga higpit karun ang kompetisyun sa mga aplikante tungod kay 47 lang ang qouta sa rehiyon diin 7 ka babaye og 40 ka lalaki ang makuha.
Gibutyag usab sa opisyal nga halos pareho lang usab ang kadaghan sa mga lalaki ug babaye karun nga aplikante.
Gahapong adlawa hingpit nang natapos ang pag-submit sa application letter human usab kini gi-extend sa duha ka higayon diin niadtong Enero 26 ra unta ang deadline hangtud gihimong Enero 30 aron lang ma-accommodate ang mga aplikante.
Human sa ilang pagsumbite sa application letter, gihimo gelayon ang orientation ug maghulat na lamang kung kanus-a ang neuro examination.
Ang appointment sa mga fill-in sa JO1 gitakda karung Hulyo 1 diin ang bansayon sila sa Satellite Training Center nga nahimotang sa Cabadbaran City.
Ang training mulungtad hangtud sa 4 ka bulan og ma-deploy sila sulod lang sa Caraga apan dunay mga kaso nga bunloton sila ngadto sa headquarters ugaling gikinahanglan.
