Biyahe sa mga sakyanang pandagat sa Surigao provinces, suspendido tungod sa bagyong Aghon

BUTUAN CITY – Suspendido na ang biyahe sa mga sakayang pangdagat gikan sa mainland Surigao del Norte paingon sa Dinagat Islands province, Siargao islands ug Bucas Grande Islands nga apektado karon sa bagyong Aghon.

Kini subay na sa pagpangandam sa Philippine Coast Guard Station sa Surigao del Norte.

Base sa gipagawas nga travel advisory sa nahisgutang buhatan, wala unay byahe ang mga Roll-on/Roll-off kon RORO vessels nunot sa Tropical Depression Aghon bulletin sa Bombo Weather Center kondiin ilawom sa Tropical Warning Signal No. 1 ang nahisgutang mga isla.