-- ADVERTISEMENT --
BUTUAN CITY – Balik na sa normal sugod kaganinang alas-otso sa buntag ang biyahe sa tanang mga sakyanang pandagat sa Surigao provinces human nga didto na sa Visayas area mikuso-kuso ang bagyong Aghon.
Sigon ni Coast Guard Ensign Roy Christopher Orillaneda, tigpamaba sa PCG-Surigao del Norte, apil sa gibalik na sa normal ang biyahe padulong ug gikan sa Cebu ug Southern Leyte.
Nasayrang sa ilang pinaka-ulahing monitoring, mi-abot sa 131 ka mga pasahero ug 70 ka mga rolling cargos ang natanggong sa mga pantalan sa Surigao provinces kansa nakalarga na sugod kaganinang buntag.
Sa ilang pinaka-ulahing monitoring, gikumpirma sa opisyal nga wala sila’y natala nga maritime incident tungod kay ang tanan, misunod man sa ilang advisory.
