BUTUAN CITY – Gipaniguro sa Land Transportation Franchising and Regulatory Board kon LTFRB-Caraga nga wala na’y makapugong pa sa ilang implementasyon sa Public Utility Vehicles kon PUV modernization program dinhi sa dakbayan sa Butuan.
Gani karong adlawa dunay ipahigayong Modern PUV caravan diin i-display ang nagkada-iyang modern vehicles gikan sa nagkalain-laing manufacturers ug duna usa’y initial launching sa lima ka ka mga solar e-jeepney nga duna’y rutang Brgy Banza nga sakop ning dakbayan kansa gi-assign sa Route 13.
Sa eksklusibong pakighinabi sa Bombo Radyo Butuan, gipadayag ni LTFRB-Caraga regional director Maria Kristina Cassion nga tumong niini nga makita ug mapahibalo sa katawhan ang bag-ong mode o pama-agi sa pag-commute nga sundan sa ipahigayon nga demonstration sa paggamit sa Automated Circulation System kon ACS card kansa i-tap-in na lang inay nga kwarta ang ibayad.
Sugdan karong alas-9 sa buntag ang PUV Modernazation Caravan pinaagi sa usa ka motorcade ug alas-10 pasado opisyal nga magsugod ang programa diin duna usa’y ipahigayong lectures bahin sa maong modernization aron mas masabtan kini sa mga operators ingon sa mga mutambong niini.
Gibutyag usab ni Cassion nga bag-o lang nangabot ang mga modern solar E-jeepney kondiin Buena-mano matod pa ang Butuan City nga mugamit niini sa tibuok Mindanao.
Gisiguro usab ni Cassion nga luwas ug mas komportable ang mga bag-ong mga modern vehicles
