BUTUAN CITY – Gibutyag ni Dr. Jose Llacuna Jr., Regional Director sa Center for Health Development Caraga nga nakitaan na og sinyales sa local transmission ang Bislig City sa Surigao del Sur human natala ang dugang walo nila ka mga kaso diin upat niini adunay close contact sa naha-unang confirmed cases kansa lakip sa 78 ka mga bag-ong kumpirmadong COVID-19 cases nga gitaho alang sa Caraga Region.
Sa online press briefing, unang gipasabot sa ahensya nga ang mga kasong gitaho nila kagahapong adlawa Domingo, Setyembre 13, natala na niadtong Sabado, Septembre 12 diin lakip niini ang 3 nga nadugang sa listahan sa napatay tungod sa maong virus.
Sumala usab ni Dr. Llacuna, sa mga bag-ong kasong natala sa Bislig City adunay upat nga close contact sa previously positive sa CoViD-19 sa syudad ug adunay tulo nga walay travel history sa isa ka lugar nga dunay local transmission o kaha bisan exposure sa CoViD-19 case kansa senyales matod pa nga adunay local transmission sa maong lugar.
Dungan niini gipamugos sa opisyal ang ka bilihon sa gilayong pagkontrola niini aron mapungan ang pagsabwag sa virus pinaagi sa pakig-alayon sa mga hingtungdang ahensya ingon man ang pagtinabangay sa local ug probinsyal nga kagamhanan sa lugar
As of September 12, ang Bislig City, aduna’y 28 nga total cases, diin sa maong ihap 16 na ang recoveries, siyam ang aktibong kaso kon nagpaayo pa samtang tulo na ang patay.
