BUTUAN CITY – Andam mutabang si Bislig City Mayor Librado Navarro sa himuong mga imbestigasyon aron madakpan gilayon ang mga responsable sa pagpamusil-patay sa hard-hitting nga komentaristang si Christopher Iban Lozada sa Prime FM.
Sa eksklusibing interview sa Bombo Radyo Butuan, hugtanong gipanghimakak ni Mayor Navarro nga duna siya’y kalabutan sa pagpatay sa maong broadcaster bisan og kritiko niya kini og maoy mipasaka og kaso batuk kaniya sa Ombudsman.
Gipadayag niyang atua siya sa Cagayan de Oro City dihang gipusil-patay si Lozada tungod sa pagtambong niya sa National Organic Agriculture Congress og sa iyang pag-follow up sa iyang gidusong petition for certiorari og temporary restraining order nga na-aprubahan ning mi-aging adlaw lang.
Gi-angkon usab sa mayor nga bisan og gibatikos siya kaniadto ni Lozada, dili niiya kayang himuan kini og dautan sa rasong kabanay pa niya kini gawas nga napasakaan na usab niya kini og tulo ka ihap sa kasong libel. (Beth Ruiz)
