BUTUAN CITY – Magtigom pa ang kaparian sa Butuan City diocese aron hisgutan ang mga angayang himuon sa paghaya hangtud na sa paglubong kang Bishop Zacharias Jimenez – kura paruko sa Our Mother of Perpetual Help Parish sa Brgy. Holy Redeemer ning siyudad.
Sigon ni assistant parish priest Loloy Roloba, bag-o pa nakagawas gikan sa pagka-ospital niadtong Dominggo si Bishop Jimenez tungod sa ikaduha na niyang pagka-stroke apan subli kining gi-atake kaganinang alas-sais sa buntag hangtud nga wala na matabang pa.
Natawo siya sa Inabanga, Bohol niadtong Nobyembre 5, 1948 og napa-ilalom sa sacerdotal ordination niadtong Abril 17, 1973 sa St. Joseph’s Cathedral sa Tagbilaran City sa Bohol samtang niadtong Enero 6, 1995 ang iyang episcopal ordination didto sa St. Peter’s Basilica sa Rome, Italy.
Apil sa gikonsidera karon sa kaparian og sabutan pa, mao ang pagpahiluna sa iyang patay’ng lawas tupad sa gilubngan ni Bishop Juan de Dios Pueblos. (Beth Ruiz)
