BUTUAN CITY – Pasakaan og kasong cyber libel ni Lapasan Baptist Church Bishop Denvir Andales ang mga tawo nga nag-akusar kaniya nga utok sa kamatayon sa Mr. Cagayan de Oro candidate Adrian Rovic Fornillos kinsa gipusil sa naka-tricab sa 13th Street,Brgy Nazareth ning syudad sa niadtong Mayo 9 ning tuiga.
Kini human nanggawas ang nagkada-iyang pasangil diha sa social media posts ilabina sa Facebook nga siya ang nagpasugo nga patyon si Fornillos kinsang hinigugma, ka-relasyon matud pa usab ni Bishop Andales.
Sigon si Andales, nakurat siya pag-ayo sa pasangiltungod kay wala siya maka-ila kang Fornillos ug naila lang usab niya ang uyab niini pinaagi ra sa iyang higala kaniadto.
Gibutyag niini nga kung tinuod nga apil kini sa maong kremin, kwestyunableng na-abtan na og tulo ka bulan ug hangtud karon wala gihapon siya gipatawag sa kapulisan aron kuhaan sa iyang panig.
