BUTUAN CITY – Imuntar na sa pinaka-unang Diocese of Prosperidad ang bag-o niining Bishop nga si Ruben Labajo karong umalabot nga Enero 28.
Dawaton sa nasangpit nga auxiliary bishop sa Cebu ang bag-o na unya niining papel atul sa misa nga ipahigayon sa St. Michael the Archangel Cathedral sa lungsod sa Prosperidad.
Gilauman usab nga mosalmot sa pagmontar kang Labajo ang mga Bishops gikan sa mga nagkadaiyang bahin sa Pilipinas.
Sayran nga gi anunsyo ni Pope Frances niadtung Oktubre 15 nga tukoron matud pa ang bag-ong diocese sa Prosperidad, kansa mao na unya ang ika 87 nga diocese sa nasod, nga dunay 7 ka mga parishes sa Agusan del Sur province. Lakip sa gianunsyo ni sa pontiff mao nga si Labajo ang napili niini nga bishop.
Ang maong decision sa pag lain sa nasangpit nga diocese gikan sa Butuan, nag sumikad sa petition ni Bishop Cosme Damian Almedilla sa Butuan niadtung 2023.
Una nang gikathao ni Padre Almedilla nga ang maong lakang, usa matud pa ka “strategic move” sa pagpalambo pa sa spiritual nga bahin sa mga magtutuo ug pag-improve usab sa administrative efficiency sa nasangpit nga dioceses.
