-- ADVERTISEMENT --
BUTUAN CITY – Pormal nang nagsugod karong adlawa, Lunes, Disyembre 1 ang termino ni Archbishop Gilbert Garcera sa Lipa, Batangas isip bag-ong presidente sa Catholic Bishops Conference of the Philippines (CBCP).
Ang 66-anyos nga si Garcera mao ang mipuli kang Kalookan Cardinal Pablo Virgilio David nga nagsilbi og duha ka termino isip CBCP head sukad niadtong tuig 2021 hangtod karon.
Samtang napiling vice president sa CBCP si Zamboanga Archbishop Julius Tonel nga mipuli usab kang Pasig Bishop Mylo Hubert Vergara.
Magpabilin usab isip conference treasurer si Palo Archbishop John Du, ug secretary general si Monsignor Bernardo Pantin.
Ang ilang termino molungtad gikan Disyembre 1 hangtod Nobyembre 30, 2027.
-- ADVERTISEMENT --
