BUTUAN CITY – Gitudlo ni Pope Leo XIV si Fr. Dave Dean Capucao isip pinaka-unang Pilipinong obispo ilalom sa iyang kadumalahan, base na usab sa pagkumpirma sa Catholic Bishop’s Conference of the Philippines kon CBCP.
Siya ang bag-ong Prelature sa Infanta ug ika-upat nga prelate sa Infanta sunod kang Bishop Bernardino Cortez nga maoy midumala sa prelature sukad niadtong Enero tuig 2015 ug miretiro human naka-abot sa retirement age nga 75-anyos niadtong Hulyo ning mi-aging tuig.
Na-ordinahan pagka-pari si Capucao niadtong tuig 1994 kondiin iyang gitutukan ang Infanta prelature isip founding pastor sa usa ka village parish sa marginalized area sa lalawigan sa Aurora sulod sa unom ka mga tuig.
Ang iyang kakomitido sa edukason ug inter-cultural dialogue makita sa iyang mga academic achievements apil na sa iyang master’s degree sa intercultural ug interreligious theology gikan sa Radboud University sa Netherlands ingon man usa ka doctorate sa sacred theology gikan sa Catholic University of Louvain sa Belgium.
