BUTUAN CITY- Dili mo apil sa ikatulong State of the Nation Address ni Presidente Ferdinand Bongbong Marcos Jr. si Vice President Sara Duterte, kini ang klarong gikabutyag sa bise presidente human kini gipangutana mahitungod sa nagkaduol na nga SONA sa Presidente.
Sumala ni VP Sara, gi-appoint niya ang iyahang kaugalingon isip “designated survivor”.
Sa America, ang Designated Survivor kay konsepto diin usa sa mga line of succession sa Presidente ang ipahilayo gikan sa mga dagkong kalihukan asa mo attend ang Presidente, sama nalang sa SONA, arun dunay mo hulip niini ugaling mamatay ang nahisgutang lider atul unya sa “catastrophic event” nga mahitabo sa maong panagtigom. Wala’y ingon niini nga konsepto o balaod sa Pilipinas. Lakip sa Line of succession sa Presidente sa Pilipinas mao ang Bise Presidente, Senate President, House Speaker, ingon man ang Chief Justice sa Supreme Court.
Alayon niini, gipaniguro ni House Secretary General Reginald Velasco, wala silay nakitang hulga sa umalabot nga SONA. Ugaling mahitabo ang dili pag attend ni VP Sara, kini na ang pinaka unang higayon nga dili mo salmot sa SONA sa Presidente ang Bise Presidente sa nasod.
