BUTUAN CITY – Daw na-establisar na gayud ang pag-representa sa Filipino sa usa ka American Medical Procedural drama Television series nga The Pitt.
Nasayran nga dunay duha ka Filipino nurses og usa ka resident doctor ang parte sa cast niini apan daw usa ka suprisa sa dihang nadungog ang usa ka bisaya nga kanta sa usa sa pinaka-ulahing episodes.
Sa ikaduhang season sa The Pitt nga gi-ere niadtong Enero 8 sa HBO Max ug sa dihang gipadayon sa mga viewers ang paglantaw sa estorya niini sa medical professionals og ilang pasyente sa Pittsburgh Trauma Medical Center, si Isa Briones mikanta sa pamilyar nga tono sa show.
Kini mao ang Bisaya nga “Ili-Ili, Tulog Anay” nga gi-feature sa ikapito nga episode sa show nga gi-ere niadtong Pebrero 19.
Si Briones mihawid sa papel nga si Dr. Trinity Santos, diin gikanta niini ang Hiligaynon lullaby ngadto sa gi-abandonang bata nga grabeng hilak.
Sa pakighinabi kang Isa, gibutyag niining ang maong senaryo ideya sa showrunner og writer Scott Gemmill, nga maoy nag-suhestiyon nga kantahon kini sa show.
Gawas kang Isa, ang laing duha ka Filipino cast sa show mao si Amielynn Abellera isip Moro nurse nga si Perlah og Kristin Villanueva nga naghawid sa papel isip Filipina nurse nga si Princess. Ang “The Pitt” nakakuha og best drama citations, lakip na sa 77th Primetime Emmy Awards og 83rd Golden Globe Awards.
