-- ADVERTISEMENT --
BUTUAN CITY – Nagpasidaan ang Bureau of Internal Revenue (BIR) nga ang gisugyot nga pagkunhod sa value-added tax (VAT) adunay dakong epekto, ug ang unang maapektuhan niini mao ang kita sa gobyerno ingon man ang ekonomiya.
Sumala ni BIR Commissioner Charlito Mendoza, trabaho sa mga magbabalaod ang pagpakunhod sa VAT, apan importante nga ilang tan-awon usab ang negatibo nga epekto niini.
Mahinumduman nga si Senador Erwin Tulfo, nagsang-at og balaodnon nga nagtinguha sa pagpakunhod sa VAT ngadto sa 10 porsyento gikan sa 12-porsyento.
Samtang sa mi-aging tuig, si Cavite Representative Francisco Barzaga nagsang-at usab og balaodnon aron hingpit nga wagtangon ang VAT.
