BUTUAN CITY- Nagbasol si Bill Gates sa tanan niyang oras nga nakig-uban kang Jeffrey Epstein, human mogawas ang mga dokumento sa US Justice Department nga nagpakita sa ilang koneksyon.
Sigon ni Gates nga bakak ang mga akusasyon nga nag-ingon nga siya nakig-relasyon ug naggamit og droga, ug iyang spokesperson misulti nga kini usa lang ka paningkamot ni Epstein nga dauton siya. Si Melinda French Gates, iyang ex-wife, miingon nga ang mga dokumento nagbalik sa masakit nga handumanan sa ilang kaminyoon.
Ang magtiayon nagbulag niadtong 2021. Giangkon ni Gates nga nakigkita siya kang Epstein niadtong 2011 ug nakauban sa pipila ka panihapon sulod sa tulo ka tuig, apan wala siya moadto sa isla ni Epstein ug wala siyay relasyon sa mga babaye. Giingon niya nga ang tumong mao ang pagdani sa mga dato nga tawo aron motabang sa global health, apan kini usa ka “dead end.”
Ang mga dokumento nagpakita nga daghang bantog nga personalidad adunay koneksyon kang Epstein, bisan pa nga daghan kanila nagpakunhod o nagdeny sa maong relasyon.
