BUTUAN CITY – Posibleng himoon sa Hulyo, 2024 ang bilateral meeting tali sa Pilipinas ug China human sa nahimong bayolenteng pagbabag nga gihimo sa China Coast Guard(CCG) sa resupply mission sa Pilipinas niadtong Hunyo 17.
Sigon ni Foreign Affairs Secretary Enrique Manalo, nagtoo ang ahensiya nga kinahanglan pa gihapong patunhayon ug gamiton ang diyalogo ingon man diplomasya bisan paman sa nahitabo. Bisan paman, aminado ang opisyal nga usa kini kadakong hagit.
Sumala sa kalihim, posibleng sa unang bahin sa Hulyo sugdan ang diyalogo pinaagi sa Philippines-China Bilateral Consultation Mechanism para hisgutan ang pinakaulahing insidente.
Naglaum ang kalihim nga makapalig-on ang nasangpit nga diyalogo sa ‘confidence-building measures’ nga mahimong basehan sa mas seryoso pang hisgutanan ilabina sa umaabot nga panahon.
Bisan paman niini, gipaneguro sa kalihim nga bisan og nangeta ang gobyerno og malinawong pamaagi aron maresolba ang problema, dili matud pa mahimong buta ang ahensya sa mga insidenteng nahitabo sa West Philippine Sea.
Dili matud pa isakripisyo dinhe ang soberanya sa nasud kauban na ang katungod ug hurisdiksyon sa Pilipinas sa West Phil Sea. Sumala sa kalihim, una nang nakabaton og pormal nga panag-estorya tali sa Department of Foreing Affairs ug sa Ministry of Foreign Affairs sa China human sa maong insidente.
Duna na usay working group nga gimugna aron pangandaman sa himoong diyalogo.
