BUTUAN CITY – Gikasubo sa transport sector ning siyudad sa Butuan ilabina sa mga tricycle drivers ug operators ang gikatakdang 2-pisos ug 20-sentabos nga bigtime oil price hike ugmang adlawa alang sa mga produktong petrolyo.
Sigon ni Butuan City Transport Federation President Wilfredo Ybañez Jr., dakong palas-anon kini alang kanila ilabina nga dili sila makapamasayro kung dili sila magpatubil. Wala matud pa sila’y laing mahimo kondili dawaton na lang ang kamatu-uran dayong butyag nga sa ingon niini nga panahon, ang ilang gihimo mao ang pagduol sa mga gagmay’ng gasoline stations ug duna’y mas ubos nga presyo, aron didto sila makapatubil.
Kini aron padayong makasugakod ug duna’y mapakaon sa ilang pamilya kada-adlaw. Mas nakahasol pa sa ilang pagmasada ang traffic congestion sa sentrong bahin ning siyudad tungod sa mga gihimong road repairs. Kini tungod kay gawas nga madugay ang ilang pag-adto sa lugar nga destinasyon tungod sa mga gpatumang rerouting o kaha ka-apiki sa agi-ang kadalanan, makadugang usab kini sa ilang makunsumong gasolina. via|Bombo Lilibeth Ruiz
