BUTUAN CITY – Kinahanglan pang i clarify ang isyu sa Bigamy sa kaso nga giatubang karon sa Abogado og konsehal sa Dakbayan sa Cabadbaran nga si Atty Lovejoy Quiambao tungod kay klaro matud pa kining annulled nga ngadto sa iyang unang asawa, kansa maoy reklamante sa kasong gidisisyonan na sa Korte Suprema kansa ning sangput sa pagka disbar sa maong abogado. Kahibaloang gi-disbar sa Supreme Court ang maong abogado tungod sa paglu-ib kon infidelity human nasuta nga nakakumitar kini og tulo ka extramarital affairs ug usa ka bigamous marriage.
Saysay ni Roselyn Exaure, kanhing kleyente sa akusado, ug suod sa pamilyang Quiambao, gikasubo nila ang maong desisyon sa korte suprema, rason nga sa kasamtangan, maghaun usba ang nasangpit nga abogado og Motion for reconsideration ngadto sa Supreme Court tungod sa kamatuorang validly annulled naman kini.
Sa pagkakaron anaa pa gihapon sa kasub-anan ang pamilyang Quiambao, ilabi na nga daghan ang nanghinayang sa pagkamaayo niining mangabugar, usa na niini ang kanhi niyang Kleyenteng si Roselyn, diin nadaug matud pa sa abogado ang 28 niya ka ihap nga kasong Libel.
Kahinumdumang una nang gikabalita nga nag-ugat ang reklamo gikan kang Merriam Rojas human nasayod gikan sa ilang katabang nga sekswal siyang gi-abuso sa abogado kansa nakumpirma sa reklamante human kini gi-angkon mismo ni Quiambao ngadto kaniya dayong butyag nga na-adik siya sa pornography ug dili makakontrol sa iyang paggamit nini.
