BUTUAN CITY – Giratipikahan na sa Senado ang bicameral conference committee report kalabot sa sugyot nga amyendhan ang Rice Tariffication Law (RTL). Ilalom sa reconciled version sa Senate bill 2779 ug House bill 10381, tumong niini nga amyendahan ang probisyon sa Rice Competitiveness Enhancement Fund (RCEF) pinaagi sa pagluway niini hangtud sa tuig 2031 ug pagtaas sa appropriations ngadto sa P30 billion gikan sa P10 billion.
Dakong bahin sa pundo niining nagkantidad og P9 billion, mapadulong sa rice farm machineries ug equipment. Madumdumang gimugna ang Rice Competitiveness Enhancement Fund pinaagi sa Rice Tariffication Law aron masiguro nga ang mga mag-uuma, direktang makapahimulos sa liberalisasyon sa rice trading.
Ilalom sa maong sugyot balaudnon, maghimo og Program Management Office aron ma-moitor ang RCEP ug ang National Rice Program ug pakusgon usab ang Bureau of Plant Industry Regulatory Functions sa Department of Agriculture apil ang registration ug data basing sa tanang mga grains warehouses.
