Mura’g nahimong big winner na si Bianca de Vera bisan wala pa magsugod ang Big Night sa usa ka reality show niadtong Hulyo 5, 2025, human siyang giregaluhan og multi-million peso nga luxury car gikan sa iyang mga ginikanan.
Gibahagi sa iyang inahan nga si Aileen ang maong sorpresa sa Instagram, sa wala pa ang event nga gipahigayon sa New Frontier Theater sa Quezon City.
Sa mga video, makita ang kalipay ni Bianca dihang nadawat niya ang yawe ug nakita ang iyang bag-ong sakyanan—usa ka Mercedes-Benz V-class V220 d Avantgarde Extra Long nga nagkantidad og 5.9 milyon pesos.
Nagpasalamat siya sa iyang inahan ug nalipay usab sa mga bulak ug regalo nga gikan sa iyang mga fans nga gibutang sulod sa sakyanan.
Ilado ang iyang mga ginikanan isip malampusong negosyante: si Aileen usa ka importer nga konektado sa fashion industry, samtang ang iyang amahan nga si Mon adunay negosyo sa life safety systems ug usa usab ka professional racecar driver.
