BUTUAN CITY – Giangkon ni Bureau of Immigration (BI) Commissioner Norman Tansingco nga wala pa opisyal nga napahibalo ang pagkatangtang kaniya sa puwesto. Nag-ugat ang maong thao human deretsong gipangutana ni Senate Majority Leader Francis Tolentino ang maong opisyal kung gihulipan na ba siya sa pwesto.
Sa pagdungog sa Senate Committee on Women and Children and Family Relations kagahapong adlawa alang sa kaso ni Alice Guo, gibutyag ni Tansingco nga pinaagi lamang sa media iyang nahibaw-an ang kalabut sa angay nga desisyon nga tangtangon siya sa posisyon. Usa ang Bureau of Immigration sa mga ahensya sa gobyerno nga gisaway human naka-ipsot pa sa nasud si Alice Guo uban sa mga igsuon niini kaniadtong Hulyo luyo sa gipagawas nga warrant of arrest sa Senado.
Kahibaloan nga duna nay pagtugot ni Pang. Ferdinand Marcos Jr. ang pagpalagpot sa pwesto sa maong opisyal sigon sa pagkumpirma ni PCO Secretary Cesar Chavez. Una ng gibutyag ni Pang. Ferdinand Marcos Jr., nga adunay manubag tungod sa pagsibat ni Guo.
Alayon niini gikumpirma usab ni Justice Secretary Jesus Crispin Remulla nga nagkasabot sila ni Pang. Marcos nga palagputon sa pwesto ni Tansingco.
