BUTUAN CITY – Welcome alang sa labor group nga federation of free workers ang gihisgutan karon sa Seando nga pag institutionalize sa 14th month pay sa mga trabahante sa nasod.
Una nang ning tumaw ang maong hisgutanan human gisang-at ni Senator Tito Sotto III ang sugyot balaodnon diin kinahanglang hatagan sa mga pribadong employers ang mga emplyado niini og 14th month pay, sama sa 13th month pay, apan ihatag pagka Desyembre, ug ang 13th month pay kay ihatag na unya sa Hunyo.
Sumala ni Atty. Sonny Matula, Presidente sa grupong Federation of Free Workers nga timely na ang nasangpit nga sugyot sanglit 1975 pa man namugna ang balaod nga 13th month pay.
Dugang niini, mas makalambo usab matud pa ang nasangpit nga sugyot sa ekonomiya sa Pilipinas tungod kay kung dunay kwarta ang mga tawo, mas maka benipisyo man usab niini ang mga negosyante.
Subay sa maong balaodnon, mamahimo man gihapon nga ma-exempt niini ang mga gagmayng negosyo nga dunay kapital sama sa 3-milyones paubos, sama sa mga Micro Small Medium Enterprises. Subay niini, nagtoo ang opisyal nga posibleng mamahimong balaod ang maong sugyot ilabi na nga alang kini sa kalambuan sa mga katawhan, ug kinahanglan usab kini sa mga tabahante sa nasod.
Sumala usab niini nga taliwala pa man nga maayo ang tumong sa nasangpit nga sugyot balaodnon, mas maayo gihapon matud pa kung aprubahan na sa lehislatura ang 200 Pesos minimum wage increase kansa dugay nang gisinggit sa mga labor groups.
Subay ni Matula, mas gikinahanglan gihapon matud pa sa mga Pilipino ang 200 pesos nga wage increase kon itandi sa 14th month pay, rason nga naglaom kining dili mapalangan sa 14th month pay nga balaodnon ang pagpapasar sa 200 pesos minimum wage increase.
