BUTUAN CITY – Gilibot sa mga personahe sa Bureau of Fire Protection kon BFP-Agusan del Norte Provincial Office ang mga sam-ang ning lalawigan aron masuta kung duna ba’y ilang mga local personnel nga naka-deploy.
Sigon ni SFO3 Ruel Culima, deputy provincial fire marshal, gikalipay niya nga anaa ang presensya sa ilang mga local personnel uban sa mga leaflets nga ipanghatag aron mahatagan og kahibalo ang mga tawo sa angayang buhaton higayong mubisita sila sa mga sam-ang.
Gibutyag sa opisyal nga sa ingon niini nga mga panahon, halos tanang membro sa pamilya mangduaw sa lubong sa ilang mga minahal sa kinabuhi rason nga wala’y makabantay sa balay.
Tungod niini, kinahanglang siguruhon nga luwas ang pinuy-anan gikan sa sunog pinaagi sa pagtangtang sa tanang nakasaksak nga mga appliances ug mga gadgets.
