BUTUAN CITY – Wala pay angay kabalak-an ang publiko mahitungod sa kaluwasan sa mga isda nga makuha sa kadagatang duol sa Manila bay o kaha sa mga lugar nga nadamay sa oil spill tungod sa naunlod nga oil tanker sa Bataan niadtung panahon sa bagyong Carina.
Kini human nga nagnegatibo sa mga oil traces ang mga nakuha nga isda sa nasangpit nga dagat. Sumala pa sa Bureau of Aquatic Resources kon BFAR, pinaagi sa spokesperson niini nga si Nazario Briguera, tungod matud pa sa maong mga samples, wala pa gi konsidera sa nasangpit nga ahensya ang fishing ban sa maong mga lugar.
Sa kasamtangan, wala pa usay hunong ang mga mananagat sa pagpanguha’g isda sa lawod. Kahinumdumang nagsugod ang kabalaka sa mga katawhan nga mo kaon og isda gikan sa mga lugar dool sa manila Bay tungod sa ning kitlaob nga motor tanker ning nakalabayng semana, kansa maoy hinungdan sa halapad nga oil spill.
