-- ADVERTISEMENT --
BUTUAN CITY – Nag-atubang na og kasong paglapas sa Republic Act 9287 kon Illegal Numbers Game ang 39-anyos nga bet collector human siya nadakpan sa gilusad nga Oplan Balilyo ning mi-aging alas-5:30 sa hapon sa Purok 2, Brgy. Libertad, Butuan City.
Nakuha gikan sa posisyon ni Ronelo Ochate, minyo ug residente sa Purok 7, Brgy. Poblacion, lungsod sa Remedios T. Romualdez kon RTR, Agusan del Norte ang usa ka cell phone, tally sheet ug salaping cash nga P5,465.00 sa managlahing denominasyon.
Gihimo ang Oplan Balilyo sa mga sakop sa Butuan City Police Station-3 ug sa Criminal Investigation and Detection Group kon CIDF-Regional Field Unit-13 aron mahunong na ang pagpataya og ilegal nga sugal nga swertres.
