BUTUAN CITY – Ang kawala’y lugar sa mga negative thoughts og ang pagbaton og kusog og determinasyon, ang kanunay’ng bawon ni Bolt of Talent champion og Butuanon singer nga si Lance Tupaz-Busa, sa matag-kompetisyong iyang apilan.
Sa eksklusibong interview sa Bombo Radyo Butuan, gipadayag sa 22-anyos nga Tourism student sa De Salle University nga kanunay niyang ihatag ang iyang best sa matag-performances og kompetisyong iyang apilan.
Sigon ni Busa nga taga-Lagnada St.,Rajah Soliman [Poblacion] (Barangay 4)ning siyudad sa Butuan, sa sinugdanan pa lang sa kompetisyon wala na niya gihuna-huna nga mudaog siya sa TV show ni Michael Bolton tungod kay pang-world class usab ang tingog sa iyang mga co-contestants gikan sa nagkada-iyang nasud nga duna usa’y market value.
Tungod sa iyang kada-ugan, very proud matud pa siyang nadala niya og sakto ang iyang kaugalingon isip representante dili lang gikan sa Butuan City kondili sa tibuok nasud sa Pilipinas ilabina nga mibilib sa iyang talento ang mga judges apil na ang tibuok Subaru og ang mismong singer nga si Michael Bolton.
“Basta nasa show na ako. I’ll try my best na maka-perform ako ng mabuti sa bawat-performance. If you’re asking me kung mananalo ako sa umpisa pa lang sa show, I wouldn’t say that I would because ang aking mga kalaban from other countries may parehong mga best singers in stage and they have market value,” sigon ni Busa.
Dakong challenge usab alang kang Busa ang iyang kada-ugan tungod kay kinahanglan niyang dalhon ang gi-expect kaniya sa audience. (Beth Ruiz)
