BUTUAN CITY – Nahimo karon online sensation ang 27-anyos nga beauty blogger sa China nga si He Yuhong, tungod sa iyang pinasahing abilidad pag-transform sa iyang kaugalingon nga doppelganger sa mga sikat og mga iconic characters, gamit lamang ang makeup.
Sukad niadto, kanunay nang gilingaw ni Yuhong ang nagkadako niyang fan base gamit ang dugang makeup magic, nga maoy maghimo sa iyang kaugalingon ngadto sa doppelgangers sa mga sikat nga indibidwal sama nila Johnny Depp og Taylor Swift, apil na usab ni Albert Einstein o kaha sa gibansagang Girl with a Pearl Earring.
Pipila sa iyang mga trabaho tungod sa kanindot sa resulta magbilin pa og pangutana sa mga viewers kung migamit ba ang artist og digital editing tool aron makuha ang resemblance sa iyang inspirasyon.
Si He, kinsa nag-post sa mga hulagway og mga videos sa iyang trabaho ilalom sa pseudonym nga Yuyamika, misikat ning mi-aging tuig dihang gipakita niya ang iyang abilidad sa paggamit sa iyang makeup skills aron himuon ang iyang kaugalingon ngadto sa usa ka real-life version sa Mona Liza ni Leonardo Da Vinci.
Gisugdan sa batan-ong beauty blogger ang iyang chameleonic career pinaagi sa paghimo sa iyang kaugalingon isip doppelgangers sa mga celebrities, og mas misamot kini dihang iyang gidawat ang suggestion sa iyang fan nga apilon ang mga siakt nga artworks sama sa hulagway ni Mona Lisa nga gisundan niya sa perfect reproduction sa Lady with an Ermine, og sa Girl with a Pearl Earring.
Ang video sa iyang remarkable transformation mihakot og 10-million views sa Weibo platform lamang sa China hangtud nga kini nag-viral usab sa Western social networks.
Si He nga gikan sa Chongqing, sa Southwest China, maggahin og upat ngadto sa unom ka mga oras sa matag-project dayong post sa iyang best work sa Miaopai, usa ka sikat nga video platform sa China, ingon man diha sa Instagram.
https://www.instagram.com/p/BiiCikbALAI/?utm_source=ig_embed&utm_campaign=embed_video_watch_again
