BUTUAN CITY – Gi-demand karon sa mga prosecutors sa Bangladesh nga hukman og kamatayon si kanhi Prime Minister Sheikh Hasina tungod sa duguong crackdown sa mga protesta ning mi-aging tuig nga gipangunahan sa mga estudyante hinungdan sa iyang pagkatangtang sa gahom.
Si Hasina nga mikagiw padulong sa India, gitaral tungod sa crimes against humanity.
Base sa nag-leak nga audio clip, iyang gimanduan ang security forces ug mga lethal weapons aron batukan ang mga demonstrador apan iyang gipanghimakak ang maong akusasyon.
Nasayrang mi-abot ngadto sa 1,400 ka mga tawo ang patay sa pipila ka semanang kagubot nga mitapos sa 15 ka tuig nga kadumalahan ni Hasina.
Kini ang pinakaduguong kagubot sa Bangladesh sukad nagsugod ang 1971 nga gubat alang sca kaugalingnan.
Sigon ni chief prosecutor Tajul Islam, angayan lang nga hukman si Hasina ug 1,400 ka kamatayon ug tungod kay imposible kini, igo na matud pa ang usa ka silot kamatayon.
Nasayrang gitaral si Hasina uban nila kanhi interior minister, Asaduzzaman Khan Kamal, ug kanhi police chief Chowdhury Abdullah Al-Mamun.
Target usab sa mga prosecutors nga mahukmal og death penalty si Kamal, kinsa padayong nagtago samtang si Chowdhury, nag-plead guilty niadtong July apan wala pa nahukman.
