-- ADVERTISEMENT --
BUTUAN CITY – Mi-abot sa 85 ka mga pamilyang Badjao kon 256 ka mga indibidwal ang mibakwit sa Canlanipa Central Elementary School sa Brgy Canlanipa, Surigao City tungod sa kusog nga ulan ug hangin nga dala sa Bagyong Basyang.
Delikado na ang ilang mga balay, ilabina kadtong anaa sa baybayon, rason sa gipatuman nga pre-emptive evacuation kagahapon.
Nihangyo ang pipila nga magamit ang classroom tungod sa katugnaw nga gibati sa mga bata, apan ang covered court ra ang gitugotan sa barangay sa rasong hinay na ang bagyo.
Padayon ang pagtunol og tabang sa lokal nga gobyerno sama sa pagkaon ug tubig, ug gihangyo ang publiko nga magmatngon ug musunod sa pahimangno sa awtoridad.
