BUTUAN CITY – Ubay-ubay ang accomplishments nga natala sa Butuan City Police Office sa ilang operasyon batuk sa ginadiling druga. Sigon ni PCaptain Emmerson Alipit – tigpamaba sa maong buhatan, tungod usab kini sa pagpanghingusog ni City Police Director PCol. Alberto Magno nga pahugtan ang pagpatuman niini sa nagkada-oyang police stations ning siyudad.
Sa eksklusibong pakighinabi ning sibyahan, gibutyag sa opisyal nga aron mapadayon ang hapsay og malinawong sitwasyon ning siyudad, apil sa gipatutukan sa ilang director ang pagsikop usab sa mga kreminal og pagbantay sa mga tanan sa mga tawong duna’y kadudahang lihok.
Kini matud pa ang rason sa sunod-sunod nga pag-serve sa mga search warrants diin malamnpusong nakarekober ang ilang mga sakop og ebidensya sama sa illegal nga druga, armas og mga bala.
Gidugang pa ni Alipit nga padayon gihapon nilang gipatuman ang Barangay Peace and Order Council kon BPOC aron maseguro ang hapsay nga siyudad.
Kini gawas pa sa pagbisita nila sa kabaranggayan aron personal nga masuta ang mga problema sa ingon mapangitaan gilayon nila og solusyon.
