BUTUAN CITY – Malampuson ang gipahigayon sa Department of Education kon DedEd-Caraga nga Regional Schools Press Conference sa Bislig City.
Sigon ni Peter Tecson, Regional Information Officer sa DepEd-Caraga nga hapsay og malinawon nga natapos ang kompetisyon nga gipahigayon niadtong Hunyo 17 og HUnyo 18.
Nahimong mananaog niini ang Agusan Del Sur alang sa elementary samtang ang Bislig City sa Secondary. Apan sa pagtotal sa puntos sa elementary og secondary, nahimong mananaog ang Bayugan City rasong kini ang overall champion sa Regional Schools Press Conference.
Sumala pa ni Tecson nga ang mga mananaog sa RSPC, makigsangka na usab sa National Press Conference nga himoon sa Cagayan De Oro City karung Hulyo 17 ngadto sa Hulyo 21 ning tuig.
Gipasabot usab sa opisyal ang nag-unang tumong sa pagpahigayon sa Regional Schools Press Conference. Lakip na niini ang pagpasabot sa kabataan kung unsa ang journalism og ang ka-importante niini dili lang dinha sa tunghaan kundi sa tibook nilang kinabuhi, ang pagtudlo sa mga bata kung unsaon paggamit ang journalism, pagpalig-on sa camaraderie og paghatag kanila og opurtunidad nga mabaid pa ang ilang kahanas og talento.
