BUTUAN CITY – Malampuson ang pagpahigayon kagahapon sa Department of National Defense – Office of Civil Defense sa ceremonial simulation alang sa 2nd Quarter Nationwide Simultaneous Earthquake Drill kon NSED 2019 uban sa Bayugan City sa lalawigan sa Agusan del Sur isip host community.
Uban sa paggiya sa National Disaster Risk Reduction and Management Council kon NDRRMC ug sa working group sa nagkada-iyang government, private, og civilian sectors uban sa mga Regional DRRM Councils, usa ka reyalistikong simulation of events ang gihimo aron ipasinati sa publiko og ma-promote ang ilang ka-andam higayong duna’y matigayong kalamidad sama sa kusog nga linog.
Gihimo una ang preliminary program sa command center duol sa ilang city gym adiser gisugdan ang drill.
Sa iyang mensahe, gipadayag ni Department of Interior and Local Government kon DILG-Caraga regional director Donald Seronay nga importante ang maong drill tungod kay maghatag kini og balor sa preparedness plan og gikonsidera pa kining selyo sa maayong local governance.
Iyang gidugang nga ang drills makonsiderang integral part aron ma-edukar og ma-train ang publiko og ang mga responders sa paagi pag- react panahon sa linog.
Gihimo usab ang susamang drills sa nagkada-iyang local government units sa Caraga Region apil na sa mga law enforcement agencies og nagkada-iyang ahensya sa gobyerno
