BUTUAN CITY – Posibleng makita na sa electric bill sa sunod nga bulan sa Abril ang taas nga balayrunon sa kuryente tungod sa epekto sa krises sa lana.
Sigon ni Energy Regulatory Commission Chairpeson Francis Saturnino Juan ang masinatiang pagtaas depende sa matag distribution utility tungod kay managlahi ang ilang kuhaan nga power generation.
Kadaghanan kanila mukuha matud pa sa Home Scale Electricity stock Market nga apektado sa taas nga presyo sa lana, coal og natural gas.
Posibleng magpadayon pa ang pagtaas sa balayrunon sa kuryente sa sunod nga buwan human sa Abril isip resulta sa pila ka semana nga double digit price hike.
Sa kasamtangan nagpabiling normal pa ang suplay sa kuryente sa tibook nasud apan tungod sa nagsingabot nga summer season , posibleng masinati kini sa sunod nga mga buwan tungod usab sa outage sa dagkong planta.
Pagbutyag pa sa opisyal nga taas gihapon ang pagdepende sa Pilipinas sa coal tungod sa paggamit sa fire coal generation plant rasong kini ang usa sa gitutukan sa Pilipinas ilabina kay dagkong bulto sa uling gihapon ang musulod bisan sa giyera sa middle east.
