BUTUAN CITY – Duda ang uyuan sa usa ka 14-anyos nga bayong-bayong sa Purok 6, Brgy. Mabua, Surigao City nga giluto ang kaso sa usa ka bayot nga nang-abuso sa 14-anyos niining pag-umangkon niadtong Agosto 17 sa gabii samtang anaa sa usa ka beach resort.
Sa eksklusibong pakighinabi sa Bombo Radyo Butuan, gibutyag sa uyu-an sa biktima, nga taliwa nga napasaka na ang kasong rape batuk sa bayot apan duda kining ma-abswelto ang maong suspek tungod kay dili mao ug layo ra matod pa sa paghitabo ang nakalatid sa statement hinungdan dunay poruhan nga makalusot ang maong suspek..
Sigon sa uyuan, daw gikaminusan lang ang kaso sa iyang pag-umangkon tungod kay lahi matod pa ang gihimong star witness kinsa dili ang mga batang nakakita mismo sa panghitabo hinungdang pulos sayop ang nakasulat sa affidavit.
Usa usab sa gipalagan niini ang pagka-unprofessional matod pa sa policewoman sa Women’s and Children’s Protection Desk nga mi-cater sa kaso tungod kay gihadlok pa niini ang biktima nga mapreso ang inahan kung dili magpasaka og kaso taliwa nga aduna pay trauma ang bata sa maong panghitabo dungan sa pagpdayag nga daw mas midapig pa ang maong pulis ngadto sa suspek kondiin hangtud karon, wala pa magpagawas og pamahayag ang gitumbok ni Lejista nga babayeng pulis.
Madumdumang, naka-uban sa biktima ang laing tulo ka mga higalang lalaki ug 9 ka mga bayot nga gihanyagan matud pa silang bayran bugti sa pagpagamit kanila apan wala sila misugot.
Dinhi na nangutana ang suspek nga gi-ilang si Delfin Uy kinsa dako matud pa og ranggo sa usa ka government agency sa Surigao City kung kinsa kanila ang makamaong muhilot ug dinhi na napasulod sa cottage ang biktima kondiin dali matud pang gipalong sa suspek ang suga ug posibleng didto na gipa-oral ug anal sex ang biktima.
Madumduman usab nga tungod sa trauma, duna matud pa’y higayon nga mi-aksyon na paghikog ang biktima gamit ang kutsilyo nga idunggab unta sa iyang tiyan apan na-apsan sa kabanay rason nga hugot nila karong gibantayan.
Subli usab matud ipa-medical exam ang biktima tungod kay inay ang samputan ug tutunlan niini ang susihon, gikuhaan naman hinuon kini og blood ug urine sample nga layo ra sa reklamo sa iyang igsoon nga inahan sa biktima.
