BUTUAN CITY – Wala na maluwas pa ang usa ka minor de edad human nalambod sa pukot ug nalumos kagahapong adlawa samtang naligo sa Agusan River kauban ang iyang lima ka mga barkada.
Gi-ila ni Police Senior Master Sergeant Oliver Nituda ang biktima nga si Joshua Gulde Torres 17 anyos, ug residente sa P-7, Brgy. Fort Poyohon sakop ning dakbayan sa Butuan.
Base sa asuy ni Christopher Oclarit, kauban sa biktima, nilungtad matod pa ug pipila ka minutos adiser nila namatikdan nga wala na nakatunga sa tubig si Joshua.
Ila matod pa kining gipangita ug nasuta nga nalambud na kini sa gitaan nga pukot nga mao usa’y nakapalisud kanila sa paghaw-as niini.
Gisulayan pa pag-revive ang biktima ug gidala sa klinika diin gideklara kining patay na pasado alas 5:25 sa hapon.
Base sa inisyal nga imbestigasyon nasuta nga lango sa ilimhong makahubog ang biktima.
