BUTUAN CITY – Patay ang usa ka bayong-bayong human gi-unay og luba sa iyang ig-agaw dihang nagkalalis sila samtang nag-inom sa Barangay Tokod, Kasibu, Nueva Vizcaya ning mi-aging alas-10 sa gabii.
Sigon ni PCapt. Joey Flores, Deputy Chief of Police sa Kasibu Police Station, ang suspetsadong usa usab ka minor-de-edad ingon man ang biktima nag-inom uban sa laing pito nila ka mga higala ug dihang nahubog na, gisumbag-sumbag sa biktima ang bungbong sa abandonadong balay diin sila nag-inom rason sa ilang panaglalis ug pagbiya na usab sa ilang mga ka-ubanan.
Dinhi na gipakalma sa suspetsado ang biktimang ig-agaw nga nasuko na hinuon dayong tuok kaniya rason nga iya na kining gidunggab sa makadaghang higayon ug gibiyaan dihang nagbuy-od na.
Tungod sa kalayo sa mga balay, wala’y nakasaksi sa kremin apan gisumbong sa suspetsado ang iyang gihimo ngadto sa iyang mga ginikanan hinuungdan nga gidala na siya sa Kasibu Police Station diin siya gikostudiya ilawom sa pagsuperbisa sa Women’s and Children’s Protection Desk (WCPD), ug itugyan ngadto sa Department of Social Welfare and Development (DSWD) human ang inquest proceedings alang sa kasong homicide.
