-- ADVERTISEMENT --
BUTUAN CITY – Lauman ang mga aftershocks human ang pagtay-og sa 6.1 magnitude nga linog sa Bayabas, Surigao Del Sur.
Base sa datus nga nakuha gikan sa Phivolcs, pasado alas 6:24 karung gabii natigayon ang linog sa 49 kilometros sa sidlakan sa maong lungsod.
Duna kini giladmon nga 45 kilometros og tectonic ang origin.
Alayon niini, nabati ang pagtay-og sa Rosario, Agusan Del Sur nga muabot sa Intensity III, Intensity II usab sa Surigao City, Surigao Del Norte samtang Intensity I usab sa Bislig, Surigao Del Sur og Abuyog ug Hilongos sa Leyte.
Sa kasamtangan, padayon pang gipanubayan ang nahimong epekto sa maong linog apan base sa inisyal nga pahayag sa Phivolc, wala hinooy lauman nga damyos.
-- ADVERTISEMENT --
