BUTUAN CITY – Nawad-an ug tingog tungod sa kahadlok ang usa ka bata human matud pa kini makakita ug katingalahan sulod sa usa ka sam-ang sa niaging gabii.
Sa impormasyong nakuha ning sibyahan, mi-uban matud pa ang bata nga si Niña Martinez sa iyang inahan nga nangeta ug lata og botelya nga kasudlan ug bulak sulod sa Libertad Cemetery sa may Barangay Libertad ning siyudad sa Butuan mga alas 8:00 ang takna sa kagabhion sa dihang nakakita kini ug babaye nga itom ug nagsiga ang mata.
Tungod sa kahadlok, nakasinggit ang bata ug mitoratoy ug dagan pagawas sa sam-ang.
Nakuratan usab ang iyang inahan hinungdang midagan usab kini sunod sa iyang anak.
Tungod sa kabanha sa singgit sa mag-inahan, nakamata ang mga residenteng dool sa sam-ang ug midool sa duruha.
Nasayran usab nga ang maong bata, abli matud pa ang third eye diin kadaghang higayon na kining makakita ug dili ingon natong mga buhi.
